Žurnalist Andrej Pačobut byŭ aryštavany siońnia ŭ svajoj kvatery Hrodna. Suprać jaho zaviedziena kryminalnaja sprava pavodle artykułu «paklop na prezydenta». Padstavami dla abvinavačvańnia stali artykuły na sajtach «Chartyja'97» i «Biełaruski partyzan».

My prahledzieli apošnija publikacyi Andreja Pačobuta na sajtach «Chartyja-97», «Biełaruski partyzan» i błohu žurnalista, adnak nie znajšli publikacyj, jakija b mahli kvalifikavacca jak abraza kiraŭnika krainy.

Pavodle papiaredniaj infarmacyi, spravu viadzie śledčy Arsień Nikolski.

U chacie zrabili pieratrus i skanfiskavali kampjutary.

Pačobuta pavieźli na dopyt, dzie jon admoviŭsia adkazvać na pytańni, paśla čaho jaho zavieźli ŭ haradzienskuju turmu.

***

5 lipienia 2011-ha Leninski sud Horadni vynies rašeńnie, zhodna ź jakim Pačobut byŭ apraŭdany pa č. 1 art. 368 KK (abraza prezydenta Biełarusi), ale pryznany vinavatym pa častcy 1 artykuła 367 KK (paklop na prezydenta).

Pakarańnie, praduhledžanaje za paklop i abrazu (pavodle p. 2 artykułaŭ 188, 189) : štraf ci papraŭčyja raboty da dvuch hadoŭ, aryšt (adpaviedna da šaści ci troch miesiacaŭ), abmiežavańnie voli da troch hadoŭ.

Andrej Pačobut — karespandent polskaj «Hazety vyborčaj» u Biełarusi. U asnovie kryminalnaj spravy — publikacyi žurnalista: vosiem z «Hazety vyborčaj» i dźvie ź internetu — ź «Biełaruskaha partyzana» i «Žyvoha žurnału». Andreju Pačobutu pradjavili abvinavačańnie pa dvuch artykułach Kryminalnaha kodeksu RB — 368 (častka 1) — «abraza» i 367 (častka 1) — «paklop» u adnosinach da prezydenta.

Hladzi taksama: Aksana Pačobut: Andrej pradčuvaŭ, što jaho pasadziać.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?