Praź miesiac znoŭ pačniecca navučalny hod. I choć biełaruskuju movu vyciskvajuć z usich navučalnych ustanovach, jość jašče ludzi jakija dziaciej addajuć u biełaruskija kłasy i himnazii, i jakija kanśpiekty va ŭniviersitetach viaduć biełaruskaju (jak ja padčas navučańnia ŭ BNTU).

Da hetaha niadaŭna vyrašyŭ tvorča pierakłaści Gaudeamus Igitur, kab byŭ himn biełaruskich studentaŭ. Krytykujcie, jak chočacie, ja nie litaratar i nie fiłołah, ale pisaŭ ja jaho tvorča, i kali chtości zachoča źmianić radok «dla siabie», heta nie žachliva. Hałoŭnaje — heta sapraŭdny biełaruski studencki ruch. Praśpiavaŭšy ź siabrami, liču, što heta cudoŭna. Nasałody ŭsim i pośpiechaŭ u navučańni!

Gaudeamus Igitur pa-biełarusku (pierakład — Źmicier Bojka)

Dobra viesialimasia!
Pakul maładyja.
'Śla vydatnaha junactva
Dy apošniaha varjactva
Chaj ziamla nas prymie!

Dzie tyja, chto prad nami
Ŭ hetym śviecie byli?
Da niabiosaŭ kročyćmieš
Dy ŭ piekła zazirnieš
Kali prahnieš ich ubačyć

Žyćci ŭ nas karotkija
Čas idzie aj viecier dźmie
Śmierć nadchodzić raptam
Dy chapaje hvałtam
I nichto je nie paźbiehnie

Žyvie Universitet!
Žyvuć dyj vykładčyki!
Žyvie kožny vučań!
Śpieŭ studentaŭ hučna,
Chaj zaŭždy nam jaho čuć!

Słava ŭsim dziaŭčynam!
Mudryja, pryhožyja!
Słava ŭsim žančynam,
Bo kachańnie ščyra
Baranili vy zaŭsiody.

Chaj žyvie dziaržava,
I słužboŭcy zakona!
Žyvuć našy harady,
Rodnyja nam vulicy!
Budź ułada dla naroda!

Chaj sumota syjdzie preč,
Zhasnuć dumki sumnyja!
Chaj zahinie djabał,
Vorahi ŭsich vučniaŭ!
Śmiechu ź ich nia budzie!

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?