Aktyvista kampanii «Havary praŭdu!» Dzianisa Daškieviča, jakomu było admoŭlena ŭ rehistracyi kandydatam u deputaty pa Rahačoŭskaj vybarčaj akruzie, vyklikajuć u rajonnuju padatkovuju inśpiekcyju.

-Mnie patelefanavali na chatni numar i zaprasili pryjści ŭ inśpiekcyju dla apytańnia z pašpartam, ale ja admoviŭsia heta zrabić biez pozvy, — raspavioŭ aktyvist. — Pozvu dasłali na nastupny dzień. U joj skazana, što 10 vieraśnia, a 11 ja pavinien pryjści ŭ padatkovuju inśpiekcyju dla praviadzieńnia apytańnia. Pa telefonie, darečy, mnie patłumačyli, što apytańnie budzie pravodzicca na asnovie dakumienta z maimi pakazańniami, jakija byli dadzieny u KDB.

Nahadajem, 23 žniŭnia, na nastupny dzień paśla admovy u rehistracyi kandydatam u deputaty, Dzianisa Daškieviča vyklikali ŭ miascovy adździeł KDB. Tam Daškieviču dali zrazumieć, što ŭ jaho mohuć uźniknuć prablemy z padatkami, bo raniej Daškievič byccam by niezakonna atrymlivaŭ hrošy za svaju pradprymalnickuju dziejnaść (Daškievič pravodziŭ viasielli ŭ Rahačovie). Sam Daškievič źviazvaje svoj vyklik u padatkovuju inśpiekcyju sa svajoj hramadsakj dziejnaściu i pastajannym supraćstajańniem ź miascovymi ŭładami, u tym liku padčas hetaj vybarčaj kampanii.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?