Rasija źjaŭlajecca najvažniejšym partnioram Biełarusi ŭ źniešniepalityčnaj i źniešnieekanamičnaj dziejnaści, ab hetym 10 vieraśnia zajaviŭ Alaksandr Łukašenka pry naznačeńni Ihara Pietryšenki Nadzvyčajnym i Paŭnamocnym Pasłom Respubliki Biełaruś u Rasijskaj Fiederacyi.

Naznačajučy Ihara Pietryšenku, Łukašenka asabliva padkreśliŭ, što, pracujučy pasłom, jon taksama budzie pradstaŭlać Biełaruś u roznych intehracyjnych strukturach: «Heta datyčycca i palityki, i ekanomiki, i vajenna-techničnaha supracoŭnictva, u tym liku abaronnaha supracoŭnictva našych dziaržaŭ».

«Pryčyny takoha sumiaščeńnia, u svoj čas heta było majo rašeńnie, roznyja.
Ale hałoŭnaje — nam niama sensu na niekatoryja pasady nakiroŭvać asobnaha čałavieka, bo tam nie taki abjom raboty, — adznačyŭ Alaksandr Łukašenka —
Bolš taho, ministru i kiraŭniku Administracyi daručana ŭ bližejšy čas unieści prapanovy pa skaračeńni našaha pradstaŭnictva tam, dzie heta nie patrebna, dzie my možam abyścisia. A tak u nas prykładna dźvie sotni čałaviek, jakija siońnia pradstaŭlajuć krainu ŭ strukturach, a pracujuć, napeŭna, kala pałaviny. Tamu ŭ bližejšy čas my ŭparadkujem hetu sistemu, u tym liku takim čynam, jak tut».

Razam z tym Łukašenka nie vyklučyŭ, što na rasijskim napramku z pryčyny aktyŭnaha raźvićcia intehracyjnych pracesaŭ hety padychod moža być źmienieny:«Usio ž abjom raboty tut značny. Intehracyja ŭ nas ciapier nie prosta adnaviłasia, a idzie vielmi aktyŭna ŭ suviazi z pazicyjaj Rasii, nacelenaj na intehracyju. Tamu, kali budzie heta nieabchodna, my pa vašaj prapanovie hatovy pierahledzieć hety paradak».

Jak adznačyŭ Łukašenka, Ihar Pietryšenka raniej pracavaŭ u pasolstvie ŭ Rasii, a tamu viedaje hetu rabotu znutry. «Pa-druhoje, vas vielmi dobra viedajuć u Rasijskaj Fiederacyi i dobra aceńvajuć vašu rabotu», — kanstatavaŭ Alaksandr Łukašenka. Akramia taho, novy pasoł niepasredna znajomy ź intehracyjnaj tematykaj i ŭ tym liku prymaŭ udzieł ŭ farmiravańni i vypracoŭcy narmatyŭna-pravavoj bazy hetych adnosin.

«Chaču, kab vy razumieli, što pasoł u Rasijskaj Fiederacyi, jak, dapuścim, pasoł u Vieniesuele, inšych apornych rehijonach, — heta nie prosta pasoł, heta niešta bolšaje, — padkreśliŭ jon.
— Rasijskaja Fiederacyja — heta najvažniejšy naš partnior u źniešniepalityčnaj i źniešnieekanamičnaj dziejnaści. Vielmi spadziajusia, što vy dastojna budziecie pradstaŭlać intaresy biełaruskaj dziaržavy ŭ Rasijskaj Fiederacyi».
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?