Sud Maskoŭskaha rajona Minska (sudździa — Juryj Siezin) pryhavaryŭ Paŭła Vinahradava, kiraŭnika maładziožnaha kryła kampanii «Havary praŭdu!» «Zmiena», da piaci sutak administracyjnaha aryštu.

Kiraŭnika «Zmieny» zatrymali ranicaj 7 vieraśnia (07:30). Supracoŭniki milicyi pryjšli da maładziožnaha aktyvista damoŭ i pavieźli jaho va ŭpraŭleńnie ŭnutranych spraŭ Maskoŭskaha rajona. Svaje dziejańni jany ničym nie tłumačyli. Sud nad Vinahradavym pavinien byŭ prajści 7 vieraśnia, ale administracyjny pratakoł u dačynieńni da aktyvista adpravili na dapracoŭku da paniadziełka.

Śviedkami ŭ sudzie nad Vinahradavym vystupili dva supracoŭniki milicyi — Siarhiej Savuhin i Andrušenka. Jany zajavili, što Vinahradaŭ brydkasłoviŭ kala svajho padjezda, kali jany prachodzili mima.

Sudździa zadavoliŭ chadajnictva abarony abvinavačvanaha pra vyklik u sud milicyjaniera Alaksandra Davidziuka, jaki ŭdzielničaŭ u zatrymańni Vinahradava ŭ jaho kvatery.

Adnak inśpiektar, jaki źjaviŭsia ŭ sud paśla pierapynku, zajaviŭ, što jon Vinahradava nie zatrymlivaŭ.

Chadajnictva ab prahladzie videazapisaŭ z kamiery nazirańnia na centralnym uvachodzie Maskoŭskaha RUUS, kudy Vinahradava dastavili milicyjaniery, kab pierakanacca, što jaho zatrymoŭvali zusim inšyja ludzi, sud nie zadavoliŭ.

U vyniku Vinahradaŭ byŭ pryznany vinavatym u niecenzurnaj łajancy i pryhavorany da piaci sutak aryštu. Śviatłana Vinahradava paviedamiła, što častku terminu (3,5 sutak) jon užo adsiedzieŭ.

Pavodle Śviatłany Vinahradavaj, jany majuć namier abskardzić hety niespraviadlivy vyrak.

Nahadajem, 10 vieraśnia sud Kastryčnickaha rajona Minska pakaraŭ aktyvista «Zmieny» Alaksandra Arcybašava tryma sutkami administracyjnaha aryštu. Pakolki aktyvist byŭ zatrymany 7 vieraśnia i z taho času znachodziŭsia pad vartaj, jaho vyzvalili adrazu paśla abviaščeńnia rašeńnia suda.

Ja - niepataplalny krejsier

Karatkamietražny film Volhi Mikałajčyk pra Paŭła Vinahradava

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?