Staŭka refinansavańnia ŭ Biełarusi z 12 vieraśnia 2012 hoda źnižajecca z 30,5% da 30% hadavych. Takoje rašeńnie źmiaščajecca ŭ pastanovie praŭleńnia Nacyjanalnaha banka Biełarusi № 462 ad 7 vieraśnia 2012 hoda.

«Faktyčnaja dynamika inflacyi ŭ minułym pieryjadzie znachodziłasia ŭ ramkach prahnoznych paramietraŭ, što na fonie isnujučaj stabilnaj ekanamičnaj situacyi ŭ krainie dało mahčymaść pradoŭžyć pastupovaje źnižeńnie staŭki refinansavańnia», — rastłumačyli ŭ Nacyjanalnym banku. Ustanaŭleńnie takoha ŭzroŭniu staŭki refinansavańnia zachavaje biahučuju žorstkaść hrašova-kredytnaj palityki, što budzie sadziejničać zapavoleńniu inflacyi i stvareńniu ŭmoŭ dla jaje istotnaha źnižeńnia ŭ siarednieterminovaj pierśpiektyvie.

Apošni raz staŭka refinsavańnia źnižałasia 15 žniŭnia.
Pierad hetym 18 lipienia — z 32% da 31% hadavych. Ciapierašniaje źnižeńnie staŭki refinansavańnia stanie vośmym z pačatku 2012 hoda. U 2011 hodzie staŭka refinansavańnia pavyšałasia 12 razoŭ.

Zhodna z prahnoznymi pakazčykami Nacyjanalnaha banka, staŭku refinansavańnia da kanca 2012 hoda płanujecca źnizić da 20–23% hadavych pry ŭmovie źnižeńnia inflacyi da 19–22%.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?