Adpaviedny dekret № 8, jakim uniesieny źmianieńni i dapaŭnieńnie ŭ dekrety № 3 ad 20 sakavika 1998 hoda i № 7 ad 14 krasavika 2008 hoda, Łukašenka vydaŭ 10 vieraśnia.

Dekretam uvodzicca norma, u adpaviednaści ź jakoj pryvatyzacyja dziaržaŭnaj majomaści ažyćciaŭlajecca biez farmiravańnia płanaŭ pryvatyzacyi,

praduhledžanych Zakonam Respubliki Biełaruś ad 19 studzienia 1993 hoda «Ab pryvatyzacyi dziaržaŭnaj majomaści i pieraŭtvareńni dziaržaŭnych unitarnych pradpryjemstvaŭ u adkrytyja akcyjaniernyja tavarystvy».

Akramia taho, admianiajecca ŭzhadnieńnie ź Dziaržaŭnym kamitetam pa majomaści (miascovymi vykanaŭčymi i rasparadčymi orhanami) dadatkovych emisij akcyj u adkrytych akcyjaniernych tavarystvach, uklučanych u pieralik jurydyčnych asob, jakija zabiaśpiečvajuć funkcyjanavańnie stratehična značnych halin ekanomiki i (abo) inšyja važnyja dziaržaŭnyja patrebnaści.

Razam z tym druhaja i nastupnyja emisii akcyj adkrytych akcyjaniernych tavarystvaŭ, jakija pierapracoŭvajuć sielskahaspadarčuju pradukcyju i stvorany ŭ pracesie pryvatyzacyi abjektaŭ, što znachodzilisia ŭ dziaržaŭnaj ułasnaści, pravodziacca pa ŭzhadnieńniu z prezidentam na asnovie prapanoŭ Savieta Ministraŭ, abłvykankamaŭ, Minskaha harvykankama.

Admianiajucca paŭnamoctvy Dziaržaŭnaha kamiteta pa majomaści na pryniaćcie rašeńniaŭ ab prodažy i panižeńni pačatkovaj cany prodažu prynaležnych Respublicy Biełaruś akcyj adkrytych akcyjaniernych tavarystvaŭ.

Admianiajecca taksama zaćviardžeńnie ŭradam na trochhadovy pieryjad płanaŭ pryvatyzacyi abjektaŭ,
jakija znachodziacca ŭ respublikanskaj ułasnaści, i pieralikaŭ adkrytych akcyjaniernych tavarystvaŭ, stvoranych u pracesie pryvatyzacyi dziaržaŭnaj ułasnaści, akcyi jakich, prynaležnyja Respublicy Biełaruś, padlahajuć prodažu.

Dekret ustupaje ŭ siłu z 1 kastryčnika 2012 hoda, za vyklučeńniem niekatorych punktaŭ, źjaŭlajecca časovym i pradstaŭlajecca na razhlad Nacyjanalnaha schodu.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?