Kandydat u deputaty Ŭładzimier Padhoł vystupiŭ pa telekanale «Biełaruś-2». U jaho na trybunie byli prymacavany ściažki ZŠA, Eŭraźviazu i bieł-čyrvona-bieły.

U svaim vystupie jon razvažaŭ, čamu biełarusy žyvuć horš za eŭrapiejcaŭ: litoŭcaŭ, palakaŭ, estoncaŭ — čamu ŭ ich zarobak tysiaču dalaraŭ u miesiac, a ŭ Biełarusi niama i 400.

«Davajcie parazvažajem, chto siońnia kiruje Biełaruśsiu? Siońnia Biełaruśsiu kirujuć z Kramla. U nas było myta na lehkavyja aŭtamabili značna mienšaje, čym siońnia. Kožny z vas moh, papracavaŭšy, nabyć lehkavik. Jak tolki my ŭvajšli ŭ mytny chaŭrus, dyk adrazu naša myta stała vielmi vysokim.

My, siabry BNF, vystupajem za toje, kab całkam admianić myta na aŭtamabili. Luby hramadzianin Biełarusi musić mieć mažlivaść nabyć lehkavik eŭrapiejskaha, amerykanskaha ci japonskaha vyrabu».

«Alaksandar Łukašenka 2 lipienia ŭ Pałacy respubliki zajaviŭ, što my budziem budavać ahulny dom z Rasiejaj. Ja suprać. Ja liču, što my musić budavać Biełaruś jak dom-chram, asobny».

U svaim vystupie Padhoł taksama adznačyŭ, što siabry BNF buduć zdymacca z vybaraŭ. Jon patłumačyŭ:

«Kali my nakiravali sotni pradstaŭnikoŭ, našych ludziej, u akruhovyja i ŭčastkovyja kamisii, ich nie puścili ŭ hetyja kamisii. I tamu našy siabry nia zmohuć ličyć hałasy».

Taksama Padhoł začytaŭ list ad siabroŭ BNF:

«23 vieraśnia my zranku pojdziem pa hryby. Potym papracujem na hradach. A ŭviečary nakryjem stoł dy kulniem čarku. Za pamiać ab našych prodkach, za viartańnie bieł-čyrvona-biełaha ściaha i hierba „Pahonia“. Uzdymiem kielichi i vypjem za ščaście našych dziadoŭ i ŭnukaŭ, za pieramohu. Dy razam hukniem: „Žyvie Biełaruś!“
I tady my budziem žyć u siamji eŭrapiejskich narodaŭ, u siabroŭstvie z amerykancami. I mienavita tak musić dumać i razvažać prezydent Biełarusi. Da sustrečy na prezydenckich vybarach».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?