Alaksandr Łukašenka paćvierdziŭ płany pa dasiahnieńni da kanca hoda siaredniaha zarobku $500. Ab hetym jon zajaviŭ siońnia, prymajučy ŭrad i Nacbank z dakładam ab rabocie ekanomiki za minuły pieryjad 2012 hoda, acency vynikaŭ hoda i prajektach prahnozu, biudžetu i hrašova-kredytnaj palityki na 2013 hod.

«Siaredniaja zarpłata ŭ nas vyrasła amal da Br4 młn. Heta krychu bolš za $470. Da kanca hoda my harantavana vyjdziem u siarednim na $500. Pry hetym realnyja hrašovyja dachody nasielnictva ŭzrastuć na 17,5%, a realnaja zarabotnaja płata — na 21,5%», — skazaŭ kiraŭnik dziaržavy.

Razam z tym Alaksandr Łukašenka padkreśliŭ, što rost zarabotnaj płaty va ŭviazcy z pradukcyjnaściu pracy zastajecca niaźmiennym važniejšym pryncypam raboty. «My pavinny dać mahčymaść ludziam zarablać hrošy», — adznačyŭ jon.

Łukašenka taksama akcentavaŭ uvahu ŭdzielnikaŭ narady na tym, što nasielnictva pa-raniejšamu chvaluje rost cen. Pry hetym kurs biełaruskaha rubla stabilny, zaŭvažyŭ jon.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?