Alaksandr Jafimaŭ

Alaksandr Jafimaŭ

Biełaruskaja šturchalnica jadra Nadzieja Astapčuk prakamientavała infarmacyju, što jaje trenier Alaksandr Jafimaŭ pryznaŭsia, što dadavaŭ u jaje ježu dopinh bieź jaje viedama.

— Nie vieru va ŭsio heta. Ja jechała ŭ Minsk i tolki tady daviedałasia. Viedaju situacyju tolki pa tym, što napisana ŭ presie. Heta prosta žach niejki. A tryźnieńnie ja kamientavać nie chaču.

— Nie vierycie, što takoje mahło adbycca??

— Jak možna ŭ heta vieryć? Čałaviek mnie maci zamianiŭ paśla jaje śmierci. Usie hetyja farmuloŭki śmiešnyja. Nie vieru, što jon heta moh zrabić. Heta niejki absurd poŭny.

— Vierycie, što treniera mahli prosta prymusić zrabić takoje pryznańnie?

— Treba raźbiracca. Prajšło niejkaje rasśledavańnie bieź mianie, znajšli abo pryznačyli vinavataha, vyrašyli za mianie, što ja sport pakinuła. Dla mianie siońnia adkryłasia šmat dziŭnych rečaŭ.

— Vašy dalejšyja dziejańni?

— Dla pačatku chaču z trenieram ubačycca. Praŭda, pakul nie mahu da jaho navat datelefanavacca. Usio heta ŭ hałavie nie ŭkładvajecca. Što dalej budzie, pakul nie viedaju, — skazała Astapčuk.

    Nahadajem, 6 žniŭnia na Alimpijadzie ŭ Łondanie 31-hadovaja Nadzieja Astapčuk zaniała pieršaje miesca ŭ finale spabornictvaŭ pa šturchańni jadra. Svoj lepšy vynik — 21 mietr 36 santymietraŭ — jana pakazała ŭ treciaj sprobie. U vynikovym pratakole spartsmienka na 66 santymietraŭ apiaredziła ŭładalnicu siarebranaj uznaharody Valery Adams z Novaj Ziełandyi.
    13 žniŭnia Mižnarodny alimpijski kamitet paviedamiŭ ab dyskvalifikacyi Nadziei Astapčuk za stanoŭčuju dopinh-probu. Pavodle infarmacyi MAK, u abiedźviuch dopinh-probach Astapčuk (pieršaja była ŭziata napiaredadni spabornictvaŭ, druhaja — adrazu paśla ich zaviaršeńnia) byŭ vyjaŭleny zabaronieny preparat mietenałon.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?