Amierykanski śpiavak i akcior Džaścin Tymbierłejk ažaniŭsia na aktorcy Džesicy Bił: viasielle prajšło na adnym z kurortaŭ na poŭdni Italii.

«Pačuvacca žanatymi vydatna. Cyrymonija prajšła cudoŭna.
Vydatna, kali ciabie atačajuć svajaki i siabry», — havorycca ŭ sumiesnaj zajavie, jakuju para zrabiła dla amierykanskaha časopisa People.
Aficyjnyja pradstaŭniki maładych paćvierdzili ahienctvu Asašyejted pres infarmacyju pra viasielle.

31-hadovy Tymbierłejk i 30-hadovaja Bił abviaścili pra zaručyny ŭ śniežni, da taho času jany sustrakalisia niekalki hadoŭ.

Novaśpiečany muž, choć i pačynaŭ karjeru jak śpiavak, ciapier bolš zdymajecca ŭ kino. U vieraśni adbyłasia premjera novaj karciny ź jaho udziełam «Kručany miač», dzie jon syhraŭ razam z Klintam Istvudam (u Biełarusi premjera pryznačanaja na śniežań).

Jaho žonka pačynała karjeru z telesieryjała «Siomaje nieba», źniałasia bolš čym u 20 filmach, siarod jakich — «Techaskaja raźnia bienzapiłoj» i «Iluzijanist».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?