Cikavy vypadak zdaryŭsia ŭ rasijskim Sankt-Pieciarburhu padčas matču čempijanatu Rasii pa futbole pamiž «Zienitam» i «Kubańniu» 20 kastryčnika.

Niekalki siektaroŭ stadyjona ŭ «Piatroŭskim» śpiavali «Hubiernatar — žłob» i «Pabuduj stadyjon, pradaj daču».

Raniej hubiernatar Sankt-Pieciarburha Hieorhij Pałtaŭčanka zajaviŭ, što hrošaj na pabudovu novaha stadyjona niama, ale ich nichto nie raskradaŭ, i prapanavaŭ fanatam skinucca na pabudovu.

Tsaksama na minułym tydni Pałtaŭčanka aburyŭsia pavodzinami pieciarburžcaŭ, jakija pakazvali nieprystojnyja žesty kartežu prem'jer-ministra Rasii Dźmitryja Miadźviedzieva.

«Kali my jechali z prem'jer-ministram pa vulicach našaha słaŭnaha horada, tolki lanivy nie sihnaliŭ», — skazaŭ hubiernatar. «Stajali ludzi, padymali ŭsiakija palcy… Čałaviek pryjechaŭ vyrašać prablemy svajho rodnaha horada, našaha rodnaha horada. Pryjazdžaje ŭ naš horad maksimum raz u kvartał — i možna ŭžo pastajać piać chvilin… Mnie jak pieciarburžcu było soramna. Hetym adroźnivajucca žychary inšych haradoŭ. Ale voś takoha adkrytaha žłobstva ja nie bačyŭ. Heta poŭnaja strata pieciarburhskaha kulturnaha mientalitetu», — skazaŭ Pałtaŭčanka.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?