U Babrujsku pradstaŭniki demakratyčnych arhanizacyj praviali 29 kastryčnika akcyju pamiaci achviar palityčnych represij.

Jak raskazaŭ staršynia Babrujskaj haradskoj arhanizacyi AHP Viktar Buzinajeŭ, napiaredadni Dnia pamiaci achviar palityčnych represij u ofisie partyi sabralisia lidary miascovych demakratyčnych arhanizacyj, jakija i vyrašyli pravieści 29 kastryčnika ŭskładańnie kvietak da kamienia-pomnika represavanym i viečar pamiaci.

«U vychadnyja ŭsie pajšli ŭ cerkvy, kožny pa svajoj viery. Adstajali słužby, padali zapiski ab malitvach za represavanych.
Učora ž z ranicy i da samaha viečara nieśli kvietki i stavili śviečki kala kamienia-pomnika achviaram represij na płoščy Pieramohi. Išli pa dva, pa try čałavieki, kab nie vyhladała heta masavaj akcyjaj. U vyniku da kanca dnia kala hetaha kamienia była vielizarnaja palana z zapalenych śviečak», — raskazaŭ Buzinajeŭ.

Jon adznačyŭ, što sioleta ludzi nie išli z zapalenymi śviečkami ad carkvy da kamienia, pamiatajučy pra toje, jak u 2011 hodzie milicyja aryštoŭvała ludziej, jakija iduć z zapalenymi śviečkami z chrama.

Pavodle słoŭ Viktara Buzinajeva, viečaram 29 kastryčnika ŭ ofisie partyi sabralisia prykładna 70 čałaviek, jakija pryjšli ŭspomnić pra represavanych.
«Pryjšli ludzi, jakija zusim nie adnosiacca ni da jakich partyj i arhanizacyj. Raskazali pra svaich svajakoŭ. Inicyjatary kananizacyi represiravanaha babrujskaha śviatara Paŭła Sieŭbu raskazali pra jaho bijahrafiju, dziejnaść, hanieńni za vieru. Taksama havaryli pra babrujskich piśmieńnikaŭ Hrachoŭskaha i Mikuliča, i było prapanavana nazvać vulicy ŭ Babrujsku ich imionami», — adznačyŭ lidar babrujskaj arhanizacyi AHP.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?