Pavodle krynicy «Biełsatu»,

zastreliŭsia pałkoŭnik (proźvišča nie nazyvajecca), jaki kiravaŭ upraŭleńniem KDB pa Minsku i Minskaj vobłaści na pačatku 2000-ch.
Apošnim časam jon pracavaŭ u centralnym aparacie kamiteta.
Hety čałaviek — nie hienierał-major Ihar Kuźniacoŭ.

Učora internet-resurs «Chartyja'97» sa spasyłkaju na dakładnyja krynicy paviedamiŭ, što apošni zastreliŭsia z palaŭničaj strelby. Adnak presavy sakratar upraŭleńnia zajaviŭ, što Ihar Kuźniacoŭ žyvy, zdarovy i na svaim pracoŭnym miescy: «Viedajecie, ja bačyŭ hetuju infarmacyju. Vam, viadoma, varta patelefanavać u instytut, dzie jon pracuje i spytać, ale… heta absalutnaja niapraŭda, skažam tak».

«Biełsatu», adnak, nie dali mahčymaści parazmaŭlać z hienierał-majoram Iharam Kuźniacovym na pracoŭnym miescy — u Instytucie nacyjanalnaj biaśpieki dy… admovilisia kamientavać infarmacyju pra jahonaje mierkavanaje samahubstva.

Chto choča pierakanacca ŭ tym, što Ihar Kuźniacoŭ žyvy, moža zapisacca da jaho na pryjom u pieršuju abo čaćviortuju sieradu miesiaca — prapanavali ŭ pryjomnaj instytutu.
Praŭda, zaŭtra — piataja sierada kastryčnika. Pieršaja sierada listapada — vychodny. A da čaćviortaj treba čakać amal miesiac.

Načalnikam Instytutu nacbiaśpieki hienierała Kuźniacova pryznačyli ŭ 2011 h. Papiarednie jon uznačalvaŭ upraŭleńnie KDB pa Minsku i Minskaj vobłaści. Demakratyčnaj supolnaści Kuźniacoŭ zapomniŭsia praz metanakiravanaje ckavańnie nie zarehistravanaj u Biełarusi arhanizacyi «Małady front».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?