Jak paviedamiła staršy pamočnik prakurora Maskoŭskaha rajona Bresta Viktoryja Žarko, jakaja padtrymlivała dziaržaŭnaje abvinavačańnie pa spravie, abvinavačvanyja: 40-hadovy i 36-hadovy bieraściejcy, a taksama 24-hadovy i 20-hadovy braty, jakija žyvuć u Bresckim rajonie. Try razboi byli ŭčynieny imi ŭ Breście ŭ červieni, lipieni i vieraśni 2011 hoda z metaj zavałodańnia hrašovymi srodkami zamožnych hramadzian.

«Złačyncy nočču ŭ čornych maskach pranikali ŭ damy. Źviazvali ludziej i, pahražajučy im pistaletam i abrezam strelby, patrabavali hrošaj. Zabraŭšy ich, uciakali na aŭtamabili, na jakim pryjazdžali da miesca złačynstva. Padčas učynieńnia adnaho z razbojnych napadaŭ jany paranili sa zbroi žychara doma», — dapoŭniła Žarko.

Takim čynam złačyncy zavałodali 25 tys. 700 dołarami ZŠA, 6.400 jeŭra, 600 ukrainskimi hryŭnami i 350 polskimi złotymi.

Paśla ŭčynieńnia treciaha napadu adzin ź ich byŭ zatrymany. Paciarpiełaja paśpieła nacisnuć knopku ŭstanoŭlenaj u domie sihnalizacyi. Ź miesca złačynstva byŭ zabrany abrez strelby. Zatym byli zatrymany troje astatnich chaŭruśnikaŭ, kanfiskavany 19 tys. dołaraŭ ZŠA i 1 tys. jeŭra.

Sud pryznaŭ 36-hadovaha, 24-hadovaha i 20-hadovaha vinavatymi ŭ nabyćci, pieravozcy, zachoŭvańni i našeńni ahniastrelnaj zbroi (č. 3 art. 295 KK) i razboi, učynienym z praniknieńniem u žyllo hrupaj asob z metaj zavałodańnia majomaściu ŭ bujnym pamiery (č. 2 art. 207 KK), a taksama ŭ razboi hrupaj asob z metaj zavałodańnia majomaściu ŭ asabliva bujnym pamiery (č. 3. art. 207 KK), 40-hadovaha — pavodle č. 3. art. 207 Kryminalnaha kodeksa.

36-hadovy i 24-hadovy pryhavorany da 11 z pałovaj hadoŭ pazbaŭleńnia voli kožny, 40-hadovy — da 9 z pałovaj hadoŭ pazbaŭleńnia voli.
Usie z adbyvańniem pakarańnia ŭ papraŭčaj kałonii va ŭmovach stroha režymu. 20-hadovy — da 9 hadoŭ pazbaŭleńnia voli ŭ kałonii va ŭmovach uzmocnienaha režymu. Usie čaćviora — z kanfiskacyjaj majomaści. Ź ich spahnany naniesieny paciarpiełym uron, a taksama ŭ pakryćcio maralnaha ŭronu pa 10 młn. rubloŭ kožnamu z čatyroch paciarpiełych.

Prysud nie nabyŭ zakonnuju moc i moža być abskardžany. Z abvinavačvanych tolki 20-hadovy raniej nie sudzimy. Usie čaćviora nidzie nie pracujuć.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?