DTZ, jakoje adbyłosia ŭ Minsku ŭviečary 14 listapada na praśpiekcie Žukava, składana nazvać niezvyčajnym, kali b nie cialesnyja paškodžańni, jakija atrymaŭ mierkavany vinavaty, kiroŭca aŭtamabila Mercedes ML 350 z numarami 7-ha rehijonu.
Pra avaryju paviedamiła staršy inśpiektar pa ahitacyi i prapahandzie DAI Maskoŭskaha rajona Luboŭ Trapaška.

«Heta adbyłosia kala 17.00 na praśpiekcie Žukava, — raskazała Luboŭ Trapaška. — Kiroŭca aŭtobusa № 101, kali adjechaŭ ad prypynku na 300 mietraŭ, adčuŭ mocny ŭdar u zadniuju častku svajho transpartnaha srodku. Spyniŭšysia, jon vyjšaŭ i ŭbačyŭ Mercedes ML 350 z mocnymi paškodžańniami piaredniaj častki. U aŭtamabili znachodziŭsia mužčyna, na vyhlad — prykładna 40 hadoŭ, jaki trymaŭsia rukami za tvar. Jak akazałasia krychu paźniej, jon razłamaŭ zubami rul».

Pavodle źviestak Trapaški, «draŭlany rul Mercedes tresnuŭ, na im bačnyja ślady zuboŭ ŭdzielnika avaryi». A sutyknieńnie mahło adbycca z-za straty kantrolu kiroŭcy, jaki całkam moh zasnuć. Kudy i kolki jon jechaŭ, vyśviatlaje DAI. Kiroŭca byŭ u šoku, nie razumieŭ, dzie znachodzicca i što ź im zdaryłasia. Nie vyklučana, što ŭ jaho pierałom skivicy i ČMT.

Byŭ u DTZ i jašče adzin paciarpieły. Pasažyr aŭtobusa — žančyna — atrymała mocny ŭdar śpiny.

Клас
0
Панылы сорам
0
Ха-ха
0
Ого
0
Сумна
0
Абуральна
0