Jak paviedamili va ŭpraŭleńni DAI HUUS Minharvykankama, supracoŭniki milicyi kantralujuć padjezdy aŭtatranspartu da budynkaŭ padčas pačatku zaniatkaŭ u pieršuju i ŭ druhuju źmieny, padčas viartańnia školnikaŭ dadomu.

Vyrašajecca pytańnie ab pryciahnieńni da hetaj pracy ŭ hadziny-pik «stopmenaŭ» — najbolš padrychtavanych staršakłaśnikaŭ.

Na naradzie pa pytańni refarmavańnia MUS 15 listapada Alaksandr Łukašenka «vykazaŭ niemałuju dolu krytyki ŭ adras haradskich uładaŭ i milicyi, nahadaŭšy ab niadaŭniaj trahiedyi kala adnoj sa škoł».

Nahadajem, što viečaram 12 listapada prama kala škoły № 23 u Minsku na vulicy Pimiena Pančanki ŭ Sucharavie pad kołami aŭtamabila zahinuŭ dzieviacihadovy školnik.

Łukašenka ŭčora skazaŭ z hetaj nahody: «Vychodzić dyrektar škoły i havoryć: my źviartalisia ŭ DAI, patrabavali, prasili, ale jany nie pryniali mier. Značyć, treba ćviorda razabracca z DAI. Užo zanadta časta ja čuju narakańni, asabliva ŭ adras haradskoj DAI», — skazaŭ Łukašenka.

«Pa-druhoje, vy pabudavali novuju škołu.

Čamu vy nie abharadzili hetu placoŭku i ŭsiu školnuju terytoryju płotam? Značyć, vy (haradskija ŭłady) vinavatyja, — pradoŭžyŭ jon, źviartajučysia da kiraŭnika Minska Mikałaja Ładućki.
— Dalej, što heta za pazicyja školnaha kalektyvu: my źviarnulisia ŭ DAI. My, baćki, pieradali vam dziaciej, jakija pryjšli ŭ škołu, i vy hałavoj za heta adkazvajecie. U nas siońnia nastaŭnik pryjšoŭ, jak da stanka, čatyry hadziny adbyŭ i pajšoŭ. Usio roŭna, jakija dzieci. U siemji jany daŭno nie chodziać. Što heta za pazicyja takaja?» «I baćki vinavatyja. Zaniali ŭsiu placoŭku ŭłasnymi aŭtamabilami», — dadaŭ Łukašenka. «Tamu zajmiciesia kožny svajoj spravaj. Heta siońnia hałoŭnaje», — zapatrabavaŭ jon.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?