Śledčy ekśpierymient byŭ praviedzieny ŭviečary 20 listapada. Za rulom Porsche Cayenne i ŭ hety raz byŭ kiroŭca, jaki źbiŭ chłopčyka ŭviečary 13 listapada. Kab śledstva z dapamohaj śviedak trahiedyi mahło ŭstanavić chutkaść aŭtamabila ŭ momant DTZ, Porsche pryjšłosia siem razoŭ prajechać pa tym ža maršrucie.

Dzicia, jakoje vykonvała padčas ekśpierymientu rolu zahinułaha Uładzika, taksama 7 razoŭ vybiahała na darohu z roznaj chutkaściu.

Pa słovach aficyjnaj pradstaŭnicy Śledčaha kamiteta RB Julii Hančarovaj, u ekśpierymiencie ŭdzielničaŭ chłopčyk takoha ž, jak zahinułaje dzicia, ciełaskładu i rostu, jon byŭ apranuty ŭ ciomna-sinija štany i čornuju kurtku.

— U vyniku ekśpierymientu śledstva zrabiła vysnovu, što padazravany mieŭ poŭnuju mahčymaściu bačyć dziaciej, jakija hulali pierad škołaj, i ludziej la budynka. Jon pavinien byŭ razumieć, što jedzie pa prylehłaj da škoły terytoryi.

Ekśpierymient pakazaŭ, što kiroŭca Porsche pavinien byŭ i mieŭ abjektyŭnuju mahčymaść bačyć dzicia za dźvie siekundy da najezdu. Chutkaść jaho była nievialikaj, jon nie pieravysiŭ 20 km/h, —
raspaviała pradstaŭnica Śledčaha kamiteta.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?