Što my słuchali ŭ vieraśni — top-10 albomaŭ miesiaca AŬDYJA 1

Aŭtar: Pilip Kavalenka

Jak zaŭsiody, pradstaŭlajem vašaj uvazie najbolš cikavyja muzyčnyja relizy minułaha miesiaca. Elektronnyja ekśpierymienty, biełaruski folk-pank i viartańni lehiend — usio heta ŭ našym topie. 

Dzieciuki — Radyjo «Harodnia»

U haradzienskich pankaŭ, jakija vyłučajucca siarod astatnich biełaruskich hurtoŭ davoli žorstkimi nacyjanalna-aryjentavanymi tekstymi i pieśniami na histaryčnuju tematyku, vyjšaŭ treci albom.

Muzyki pasprabavali pašyryć muzyčny dyjapazon: siarod hučnaha panku možna pačuć rehi i navat vals.

Žadan i Sobaki — Madonna

Hurt ukrainskaha paeta i piśmieńnika Siarhieja Žadana ŭ vieraśni vydaŭ piaty albom.

Muzyki nazyvajuć jaho najlepšym u svajoj dyskahrafii, a fanaty ličać, što ŭsie papiarednija relizy byli ŭsiaho repietycyjaj pierad «Madonnaj».

Iggy Pop — Free

Ihi Popu — 72 hady. Jon daŭnym daŭno staŭ lehiendaj i spakojna moh by adpačyvać i pry žadańni źbirać uradžaj svajoj słavy.

Ale jamu dahetul cikava stvarać i adčuvać tvorčuju svabodu, ab čym u tym liku i kaža nazva čarhovaha alboma. Jon dakładna spadabajecca amataram muzyčnych ekśpierymientaŭ.

Pixies — Beneath The Eyrie

Pik papularnaści Pixies pryjšoŭsia na miažu 80-ch i 90-ch, i kožny nastupny albom paśla 23-hadovaj paŭzy ŭsprymajecca jak sproba nie zasmucić fanataŭ.

Albom zapisvaŭsia ŭ zakinutaj carkvie na poŭnačy Ńju-Jorka, dzie i nasyciŭsia hatyčna-mistyčnymi notkami.

Metronomy — Metronomy Forever

Šosty albom brytanskich elektronščykaŭ. Pa słovach udzielnikaŭ hurta, novy albom adlustroŭvaje ŭsio, što adbyvałasia za ŭvieś čas isnavańnia Metronomy.

Tamu słuchač znojdzie cełuju palitru roznych muzyčnych žanraŭ.

KoRn — The Nothing

U minułym hodzie ad pieradaziroŭki narkotykaŭ pamierła žonka vakalista KoRn Džonatana Devisa. Trahičnaja padzieja nie mahła nie adbicca na tvorčaści hurta i na jaho novym albomie.

Ale, pa słovach Devisa, praca nad płytkaj dazvoliła jamu psichałahična papravicca. Niechta, maŭlaŭ, źviartajecca da psichaterapieŭtaŭ, da jaho ž psichaterapija — jahonaja muzyka.

M83 — DSVII

Novy albom francuzskaha elektronščyka — druhaja častka alboma «Digital Shades, Vol. 1» 2007 hoda. 

Novy reliz — zusim nie tancavalnaja muzyka, ale našmat bolš rassłablenaja i atmaśfiernaja. Pa słovach artysta, padčas pracy nad albomam jon natchniaŭsia kampjutarnymi hulniami 80-ch hadoŭ i saŭndtrekami da filmaŭ toj epochi.

blink-182 — NINE

blink-182 byli simvałami epochi MTV, kali pank byŭ ledź ci nie samym papularnym muzyčnym žanram. 

Prajšli hady, tłustyja časy panku daŭno minuli, byłyja kumiry syšli ŭ cień, ale ŭsio jašče nie zdajucca. Viadoma, što luby novy reliz buduć paraŭnoŭvać z najlepšymi albomami, i paraŭnańnie amal zaŭsiody nie na karyść novaha, ale varta dać jašče adzin šaniec byłym kumiram.

Liam Gallagher — Why Me? Why Not.

Druhi solnik Liama Hałachiera vydatna spałučaje nienadakučlivuju nastalhiju sapraŭdy stałaha muzyki pa byłych časach z sučasnymi muzyčnymi technałohijami.

Heta jašče i likbiez pa brytanskim pop-roku dapankaŭskaj ery, jaki źmiaścili ŭ 40 chvilinach.

Keane — Cause And Effect

Jašče adno doŭhačakanaje viartańnie. Keane syšli ŭ doŭhaterminovy adpačynak šeść hod tamu, i voś nadyšoŭ čas viartańnia.

Cause And Effect (pryčyna i śledstva) staŭ refleksijaj na nie samyja pryjemnyja padziei ŭ žyćci muzykaŭ hurta — baraćbu z zaležnaściu i razvodam.

Našy papiarednija ahlady:

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?