Другая ракетка свету з Беларусі Арына Сабаленка ў сваім стылі пасварылася з трэнерам падчас паўфінальнага матчу на прэстыжным турніры ў Мадрыдзе.
Антон Дуброў у адным з момантаў пачаў гучна падказваць сваёй падапечнай. Сабаленка, якая збіралася падаваць, паслала свайго трэнера. Яе нецэнзурнае выказванне добра чытаецца па вуснах на кадры.
Дуброў не разгубіўся і заявіў: «Я пайшоў на**й». Зрэшты, ён застаўся на трыбуне і працягваў дапамагаць Сабаленцы.
Беларуска ў выніку абгуляла чацвёртую ракетку свету з Казахстана Алену Рыбакіну з лікам 1:6, 7:5, 7:6 (5). У фінале турніру ў Мадрыдзе 4 мая Сабаленка сустрэнецца з лідарам сусветнага рэйтынгу Ігай Свёнтэк.
Чытайце таксама:
Сабаленка з вялікай цяжкасцю прабілася ў фінал турніру ў Мадрыдзе
Арына Сабаленка: Мы выраслі ў цяжкіх умовах
Арыну Сабаленку другі раз пабачылі ў кампаніі амерыканскага мільярдэра
