Fota: hi-news.ru
Ekśpierty Bloomberg Intellegence paličyli davoli vierahodnym padzieńnie cen na naftu za barel u bližejšyja miesiacy.
Reziervuary dla zachoŭvańnia nafty ŭ ZŠA blizkija da pierapaŭnieńnia, ale zdabyča nafty nie spyniajecca. Heta moža abvalić ceny na naftu da 20 dalaraŭ ci navat nižej.
Siońnia ZŠA akumulujuć 1—2 młn barelaŭ «lišniaj» nafty na dzień, zapasy rastuć 10 tydniaŭ zapar.
Krytyčnymi stanuć bližejšyja miesiacy, kali da hetaha dadaducca viasnovyja remontna-prafiłaktyčnyja raboty na naftapierapracoŭčych zavodach. Zvyčajna ŭ hety čas pracu prypyniaje tracina pradpryjemstvaŭ.
Jak śćviardžaje Bloomberg, siońnia situacyja raźvivajecca pa horšym scenary: abjomy zdabyčy nafty nijak nie strymlivajucca. Pry niaźmiennych uzroŭniach zdabyčy situacyja chutka moža vyjści z-pad kantrolu.
Na 25 sakavika barel nafty Brent kaštavaŭ $55,84. Minimalnaja cana ŭ 2015 hodzie nazirałasia 13 studzienia — $47,09 za barel.
