Biełaruskaja delehacyja praniesła ściah Rasii na cyrymonii adkryćcia Paralimpijady ŭ Rya-de-Žaniejra «ŭ znak salidarnaści» z adchilenymi rasijskimi paralimpijcami. Stała viadoma, što ściah nios Andrej Fomačkin.
Hety 53-hadovy spartyŭny funkcyjanier naradziŭsia ŭ 1963 u Armaviry (Rasija).
Jon pracavaŭ trenieram-vykładčykam SDIUŠAR Minskaj vobłaści, zajmaŭ šerah kirujučych pastoŭ u dziaržaŭnych i kamiercyjnych arhanizacyjach, z 2007 hoda ŭ dyrektaracie nacyjanalnych kamand, z 2008 pa 2010 hod — pamočnikam ministra sportu i turyzmu, z 2010 pa 2012 hod — staršynioj dyrektarata nacyjanalnych kamand pa vidach sportu Ministerstva sportu i turyzmu. Ciapier jon dyrektar RCAP pa lohkaj atletycy.
Andrej Fomačkin — majstar sportu mižnarodnaha kłasa, pieramožca i pryzior Spartakijady narodaŭ SSSR (1986 hoda), rekardsmien SSSR u zimovym mnahaborji.
