Pra heta paviedamiŭ siońnia napres-kanferencyi dyrektar RNPC medyčnaj ekspertyzy i reabilitacyi prafesar Vasil Smyčak.
«Ministerstvam achovy zdaroŭja pastaŭlena zadača vypravić i pierarabić instrukcyi pa invalidnaści, a taksama instrukcyi pa vydačy listka časovaj niepracazdolnaści (balničnaha)…», — raspavioŭ Vasil Smyčak. Hetyja miery nakiravanyja na toje, kab «čałavieka, kali jon chvareje, mienš haniać ŭ palikliniku».
Planujecca, što ŭ vypadku zachvorvańnia na VRZ abo na hryp, da prykładu, vydavać balničny nie na 3 dni, a na 5–6 i hetak dalej. Akramia taho, buduć źmianiacca terminy vydačy listkoŭ niepracazdolnaści, naprykład, u ciažkich chvorych paśla insultu.
«Kali my bačym, što ŭ ciažkaha chvoraha niama palapšeńnia, budzie šyrej praktykavacca vydača balničnaha na 5–6 miesiacaŭ», — adznačyŭ Vasil Smyčak.
Nakont pytańnia ab pierahladzie instrukcyi pa invalidnaści, dyrektar RNPC paviedamiŭ, što pilnaja ŭvaha budzie źviartacca na vyznačeńnie biesterminovaj invalidnaści. U pryvatnaści, kali 3 hady niama palapšeńniaŭ, to invalidnaść budzie prysvojvacca biesterminova.
Čakajecca, što novyja instrukcyi buduć pryniatyja ŭžo ŭ hetym hodzie. Vasil Smyčak asabliva padkreśliŭ, što hetyja miery nakiravany na toje, kab palehčyć «chadžeńnie pa mukach» pacyjentaŭ.
