Прапрацоўка асноўных пытанняў і падыходаў па мадэрнізацыі павінна завяршыцца сёлета.Пра гэта, як паведамляе
«Кожнае прадпрыемства павінна мець план мадэрнізацыі, — сказаў ён. — Усе планы павінны быць індывідуальнымі, аднак выхадныя даныя, па якіх ажыццяўляецца кантроль, а таксама мэта, якая ставіцца, — адзіныя. І гэта закладзена ў метадычных падыходах, прынятых урадам з падачы Міністэрства эканомікі».
Мясніковіч звярнуў асобную ўвагу на тое, што грошы трэба ўкладваць у тыя праекты, якія дадуць найбольшую аддачу, і галоўнае — хутка.Паводле слоў прэм’ера, на праекты па мадэрнізацыі ў наступным годзе ў бюджэце прадугледжана 13 трлн. рублёў. Выкарыстоўваць неабходна і магчымасці інавацыйных фондаў, а гэта фактычна 3 трлн. рублёў. Мясніковіч дадаў, што гэтыя сродкі будуць накіроўвацца на інавацыйныя, унікальныя праекты, якія сапраўды змогуць павысіць канкурэнтаздольнасць нацыянальнай эканомікі.
Чым больш праект эфектыўны і стратэгічна важны, тым на большы аб’ём фінансавання з боку дзяржавы можна разлічваць. Найважнейшай задачай пры гэтым з’яўляецца набліжэнне Беларусі да сусветнага ўзроўню па прадукцыйнасці працы.Як адзначыў у сваім дакладзе міністр эканомікі Мікалай Снапкоў, у Беларусі сфарміравана неабходная сістэма
нарматыўна-прававых актаў, скіраваная на падтрымку будаўніцтва новых і мадэрнізацыю дзейных прадпрыемстваў.
Мадэрнізацыя прадпрыемстваў дазволіць да 2015 года павялічыць прадукцыйнасць працы па выручцы на арганізацыях, якія мадэрнізуюцца, у 1,7 разу. Пры гэтым аддача складзе 2 долара выручкі на 1 долар укладзеных сродкаў.
«Прыцягненне бюджэтных сродкаў павінна разглядацца, на наш погляд, у апошнюю чаргу. Ёсць рэзервы іншых крыніц фінансавання, — заявіў міністр. — Напрыклад, ведамствы і рэгіёны надаюць мала ўвагі такой крыніцы, як уласнасць, што неэфектыўна выкарыстоўваецца, ці ўласнасць, ад якой дзяржава можа лёгка адмовіцца. Практычна не плануюцца такія крыніцы, як замежныя інвестыцыі».