Урад Беларусі захоўвае планы продажу дзярждолі аператара мабільнай сувязі СТАА «Мабільныя ТэлеСістэмы» («МТС») па ранейшай цане.Пра гэта заявіў 23 красавіка журналістам у Мінску віцэ-прэм'ер Беларусі Анатоль Калінін, які сёння ўзяў удзел у адкрыцці выстаў «ТІБО» і «СМІ ў Беларусі».
«Захоўваецца палітыка продажу «МТС», доля і кошт не пераглядаліся, — сказаў віцэ-прэм'ер. — Разам з тым пошук пакупніка працягваецца. Шукаем патэнцыяльнага інвестара».
Нагадаем, дзяржава разлічвае прадаць сваю долю (51%) статутнага фонду «МТС» мінімум за мільярд даляраў.Прэзентацыя продажу дзярждолі «МТС» з мэтай пошуку патэнцыяльных пакупнікоў праводзілася ўжо двойчы, але пакуль беспаспяхова.
0
0
0
0
0
0