ЕС пяройдзе да трэцяй стадыі санкцый супраць Расіі, калі запланаваныя на 25 мая ва Украіне прэзідэнцкія выбары не адбудуцца.
Пра гэта заявіў у панядзелак кіраўнік МЗС Францыі Ларан Фабіус у інтэрв'ю радыёстанцыі «Франс-энтэрыт».
«Мы ўжо прынялі два этапы санкцый. Калі выбары (ва Украіне) 25 мая не адбудуцца, мы пяройдзем да новай стадыі», — сказаў міністр.
Трэцяя стадыя прадугледжвае эканамічныя санкцыі супраць РФ.
«Мы не вядзём вайну з Расіяй. Гэта не мела б ніякага сэнсу, але мы не можам сядзець склаўшы рукі», — падкрэсліў Фабіус.
Гаворачы аб сітуацыі ва Украіне, ён адзначыў: «Гэта пакуль яшчэ не грамадзянская вайна, але ўжо блізка да гэтага».
«Калі сутыкненне на Усходзе адбываюцца штодня, існуе рэальная рызыка вайны. Аднак наша мэта — дээскалацыя сітуацыі», — заявіў кіраўнік МЗС Францыі.
Трэці этап прадугледжвае эканамічныя санкцыі супраць галоўных сектараў расійскай эканомікі: энергетычнага і ваенна-прамысловага.
