Беларусь гатова арганізавана прыняць перасяленцаў з Украіны, прадаставіўшы ім жыллё і месца працы.
president.gov.by
Пра гэта сёння ў Барысаве заявіў Аляксандр Лукашэнка на сустрэчы з прадстаўнікамі працоўных калектываў прадпрыемстваў абароннага сектара.
У кіраўніка дзяржавы пацікавіліся, ці ёсць ахвотныя пераехаць у Беларусь з Украіны і магчымасць іх працаўладкаваць. «Такія людзі ёсць, ахвотных вельмі шмат. Мы адразу ж даручылі пасольству складаць такія спісы,
каб гэта было не хаатычна, як часам адбываецца цяпер у Расіі (там ёсць ужо вялізныя праблемы ў лагерах перасяленцаў і ўцекачоў).
Таму зачыніцца мы ад іх не можам і не павінны: людзі пакутуюць», — падкрэсліў беларускі кіраўнік.
«Мы гатовыя прымаць такіх людзей арганізавана. Нам працоўныя рукі патрэбныя. І мы гатовыя іх размяшчаць у розных частках нашай краіны, даць ім дах над галавой і месца працы», — дадаў Аляксандр Лукашэнка.
