Пытанне аб павышэнні пенсійнага ўзросту ў Беларусі пакуль не разглядаецца.
president.gov.by
Пра гэта сёння ў Барысаве заявіў Аляксандр Лукашэнка на сустрэчы з прадстаўнікамі працоўных калектываў прадпрыемстваў абароннага сектара.
«Людзі не хочуць павышэння пенсійнага ўзросту. Я не магу сёння ісці ўпоперак волі людзей».
«Калі, вядома, сітуацыя ўскладніцца і я як эканаміст буду бачыць, што гэта для краіны дрэнна,
тады я проста вам скажу: ці ў два, або ў тры прыёмы, але давайце на 5 гадоў пенсіі адцягваць.
Але пакуль мы такое пытанне перад сабой не ставім і такую праблему такім чынам вырашаць не збіраемся. Пакуль церпім. Але вельмі цяжка. Калі мы будзем ісці да гэтага, я вам абавязкова сумленна і адкрыта скажу», — заявіў Аляксандр Лукашэнка.
Разам з гэтым кіраўнік дзяржавы не выключыў магчымасці павышэння пенсійнага ўзросту ў будучыні, патлумачыўшы праблему змяненнем суадносін колькасці працуючых людзей да ліку пенсіянераў.
«Таму мы вымушаны трымаць і невысокую пенсію», — адзначыў ён.
«Не ведаю калі, але думаю, што будзе (павышацца пенсійны ўзрост), таму што, напэўна, мы адны засталіся, дзе пенсійны ўзрост — 55 і 60 гадоў», - заўважыў беларускі кіраўнік.
«У нас жанчыны нараджаць не хочуць. Калі ў кожнай сям'і будзе трое дзяцей, мы вырашым усе праблемы», - дадаў Аляксандр Лукашэнка.
