У Шаркаўшчынскім раёне Віцебскай вобласці знайшлі труп грыбніка, паведамілі ў Віцебскім абласным упраўленні МНС.
У цэнтр аператыўнага кіравання Шаркаўшчынскага раённага аддзялення па НС 5 верасня ў 10.20 паступіла паведамленне ад дзяжурнага РАУС, што ў лясным масіве каля вёскі Дзікева 4 верасня пайшоў у лес па грыбы і заблудзіўся мужчына 1935 года нараджэння. Былі арганізаваны пошукі, якія ў 19.30 5 верасня былі спыненыя. 6 верасня пошукі таксама не далі вынікаў, а 7 верасня быў знойдзены труп мужчыны. Па гэтым факце праводзіцца праверка.
Усяго за выхадныя дні ў лясах Віцебскай вобласці заблудзілася дзевяць чалавек.
0
0
0
0
0
0
