Дзіця амаль 6 сутак праляжала ў глыбокай коме, паведамляе kp.by. «Хлопчык памёр. У 11:30 недзе. Мы рыхтуемся да пахавання», — сказала па тэлефоне журналісту «Камсамолкі» бабуля.
Пра жахлівы выпадак, што здарылася ў Брэсце, стала вядома ў панядзелак. Як паведаміла ў той дзень прэс-служба Следчага камітэта, пры аглядзе медработнікамі ў дзіцяці былі выяўленыя чэрапна-мазгавая траўма, удар, ацёк і гематома галаўнога мозгу з кровазліццём, пералом пляча — цяжкія цялесныя пашкоджанні.
Вядома, што 20-гадовая маці піла, пакуль бацька дзіцяці быў на працы. Сын стаў плакаць, і яна, каб яго супакоіць, нанесла не менш за 5 удараў далонню па твары, затым кідала яго на канапу і ложак, пасля чаго легла спаць. Дзіця, якое пры дыханні хрыпела, раніцай знайшоў бацька. Маці адмаўлялася выклікаць хуткую.
Бацька расказваў, што з жонкай пабраўся сёлета ў лютым, а пазнаёміліся ў сакавіку 2013. Клопат і догляд аб іх сумесным дзіцяці абцяжарвалі жонку, раней яна прысылала яму смс-паведамленне аб тым, што збіраецца здзекавацца з дзіцяці.
21 лістапада ён пайшоў на працу каля 19 гадзін, вярнуўся дадому раніцай, 22 лістапада, каля 4 гадзін. Калі сыходзіў, то жонка заставалася адна з дзіцем, была цвярозай. Па вяртанні, ён выявіў на дзіцяці сляды пабояў. Ён патэлефанаваў «103» і паведаміў, што дзіця бледнае і халоднае, але жонка прасіла не выклікаць медработнікаў.
Маці хлопчыка прызнала сваю віну. Пры праверцы паказанняў яна паказала, якім чынам збівала сына. Вядома таксама, што яна цяжарная іншым дзіцем.
