СССР пасля Другой Cусветнай вайны акупаваў шэраг краін, у тым ліку Украіну. Расія цяпер таксама парушае міжнароднае права.
Так прэм'ер-міністр Украіны Арсеній Яцанюк патлумачыў, што меў на ўвазе, калі ў эфіры нямецкага тэлеканала ARD казаў пра савецкую «інвазію як ва Украіне, так і ў Германіі», паведамляе Deutsche Welle.
«Мы памятаем савецкую акупацыю пасля Другой сусветнай вайны Украіны, Польшчы, Венгрыі, Чэхаславакіі і Усходняй Германіі, краін Прыбалтыкі. Такім чынам, Савецкі Саюз рабіў гэта на працягу доўгага перыяду часу», - адзначыў Яцанюк.
Сёння, па словах Яцанюка, Расія вырашыла акупаваць Крым і Усход Украіны.
«Гэта непрымальна. Гэта парушэнне міжнароднага права. Гэта маё паведамленне», - падкрэсліў Яцанюк.
Ён таксама падкрэсліў, што Расія не мае права парушаць міжнародныя законы і «прысвойваць» тэрыторыю незалежнай дзяржавы, «як зрабіў Савецкі Саюз пасля Другой сусветнай вайны».
