Генеральны пракурор Расіі Юрый Чайка заявіў, што ўкраінскія праваахоўнікі не дасылалі запытаў аб выдачы былога прэзідэнта Віктара Януковіча, які знаходзіцца на тэрыторыі РФ.
«Запыты аб выдачы украінскіх палітычных дзеячаў, у тым ліку і Януковіча, з кампетэнтных органаў Украіны пакуль не паступалі. Пры паступленні такіх запытаў будуць разглядаць у адпаведнасці з міжнароднымі дамовамі і заканадаўствам Расіі», - заявіў расійскі генпракурор у інтэрв'ю выданню «Российская газета».
У той жа час Юрый Чайка адзначыў, што генеральныя пракуратуры Расіі і Украіны кантактуюць у нармальным рэжыме.
Раней генпракурор Украіны Віталь Ярэма заяўляў, што Генпракуратура Расиі ігнаруе запыты аб экстрадыцыі ўкраінскіх экс-чыноўнікаў, якія ўцяклі ў Расію.
0
0
0
0
0
0
