На днях адзін з гледачоў магілёўскага кінатэатра «Радзіма» настолькі захапіўся праглядам фільма, што забыўся ў зале $5 тыс. Пра гэта паведаміла дырэктарка кінатэатра Наталля Вераб'ёва.
Гледачы забываюць свае рэчы ў зале кінатэатра «Радзіма» практычна кожны дзень. Таму было прынята рашэнне адкрыць у кінатэатры бюро знаходак. Рэгістрацыя ўсіх знаходак вядзецца ў «Журнале забытых рэчаў».
Сюды звычайна трапляюць парасоны, пальчаткі, шапкі, жаночыя сумачкі, кашалькі, а лідзіруюць мабільныя тэлефоны, асабліва, пасля дзіцячых сеансаў.
Як адзначыла Наталля Вераб'ёва, забыты пакунак з $5 тыс. таксама вярнулі.
0
0
0
0
0
0
