У Лос-Анджэласе прайшла 88-я цырымонія ўручэння прэстыжнай узнагароды (уручаецца з 1929 г.). Усяго прэмія ўручаецца ў 24 намінацыях, але галоўная інтрыга — найлепшы фільм, найлепшы акцёр і найлепшая актрыса, найлепшыя акцёр і актрыса другога плана, найлепшы сцэнарый.
Найлепшым фільмам прызнана стужка «У цэнтры ўвагі» Тома Маккарці пра расследаванне журналістаў пра святароў-педафілаў.
«Оскара» ў намінацыі «Найлепшы акцёр» нарэшце атрымаў Леанарда Дзі Капрыа за фільм «Выжылы».
LA Times
Найлепшая актрыса — Бры Ларсан
За фільм «Пакой». Гісторыя пра маці і сына, якія правялі пяць гадоў у палоне ў адным пакоі.
LA Times
Найлепшы рэжысёр — Алехандра Гансалес Ін'ярыту («Выжылы»)
Год таму Ін'ярыту перамог з фільмам «Бёрдмэн», які стаў таксама найлепшым фільмам.
Найлепшая актрыса другога плана
Алісія Вікандэр — «Дзяўчына з Даніі».
Найлепшы акцёр другога плана
Марк Райлэнс за «Шпіёнскі мост».
Найлепшая песня да фільма
Сэм Сміт Writing's on the Wall ( «007: Спектр»), музыка і словы Джымі Нейпс і Сэм Сміт
Песня да папярэдняга фільма пра Бонда - Skyfall - таксама атрымала «Оскара»
Найлепшая музыка
«Оскар» у Эніа Марыконэ за «Агідную васьмёрку».
У гэтай катэгорыі ў «Зорных войнаў» быў апошні шанец атрымаць «Оскар» - яны не ўзялі ні адной прэміі.
Найлепшы фільм на замежнай мове
«Сын Саўла» рэжысёра Ласла Немеша пра вязня Асвенціма, які намагаецца знайсці свайго сына.
Найлепшы гульнявы кароткаметражны фільм — «Заіка» - рэжысёра Бенджаміна Кліры.
Найлепшы дакументальны поўнаметражны фільм — «Эмі» - рэжысёра Азіфа Кападзіа. Фільм пра Эмі Уайнхаўс.
Найлепшы дакументальны кароткаметражны фільм — «Дзяўчына ў рацэ: Цана прабачэння» рэжысёраў з Пакістана. Фільм пра жанчын, якія сталі ахвярамі рэлігійных забойстваў
Найлепшы поўнаметражны анімацыйны фільм
І гэта — «Галаваломка».
Найлепшая аператарская праца
Эмануіл Любецкі за фільм «Выжылы», Любецкі перагамае трэці год запар, летась і пазалетась ён атрымаў «Оскара» за «Гравітацыю» і «Бёрдмэна»
Шэсць «Оскараў» узяў «Шалёны Макс», у тым ліку за «найлепшы гук», «найлепшы мантаж гуку», «найлепшы дызайн касцюмаў», «найлепшая праца мастака», «найлепшы грым і прычоскі».
«Марсіянін» не атрымаў ніводнай узнагароды.