У СВК Астравецкага раёна займаліся прыпіскамі для павышаных заробкаў, паведамілі ва ўпраўленні Дэпартамента фінансавых расследаванняў Камітэта дзяржкантролю Гродзенскай вобласці.
atmagro.ru
«Першы намеснік старшыні сельгаскааператыва — кіраўнік свінагадоўчага комплексу, які адначасова з'яўляўся дэпутатам сельскага савета з верасня 2014 года па красавік 2016 года неаднаразова даваў незаконныя ўказанні падначаленым работнікам аб унясенні імі завышаных звестак у справаздачы наконт руху жывёлы і ведамасці вызначэння жывой масы.
У выніку ўсяго было завышана прыбаўленне свіней больш чым на 300 т, а прыплод — на 970 галоў», - інфармуе ўпраўленне Дэпартамента фінансавых расследаванняў.
Гэтыя прыпіскі дазвалялі ўпраўляючаму свінагадоўчага комплексу і яго падначаленым атрымліваць павышаны заробак і прэміі за выкананне даведзеных паказчыкаў наконт прыросту свіней.
Сваімі дзеяннямі мужчына і яго памочнікі нанеслі ўрон гаспадарцы ў выглядзе неабгрунтавана выплачанай заработнай платы ў 12,6 тыс. рублёў.
Паводле сабраных матэрыялаў пракурорам Астравецкага раёна ў дачыненні да кіраўніка заведзена крымінальная справа па ч.2 арт.424 КК РБ (злоўжыванне ўладай або службовымі паўнамоцтвамі), а ў дачыненні да работнікаў СВК, якія выканалі за матэрыяльнае ўзнагароджанне незаконныя ўказанні, распачатыя крымінальныя справы па ч.1 арт. 4.
