Рэформа дзяржаўнага апарату пачалася ў Беларусі яшчэ ў 2013 годзе. Меркавалася, што колькасць дзяржаўных работнікаў скароціцца на 25% (прычым да 1 студзеня 2014 года), аднак гэтага, відавочна, не было зроблена.
Статыстычныя зборнікі «Праца і занятасць» з падрабязнымі лічбамі колькасці службоўцаў публікуюцца кожныя два гады. Нядаўна з’явіліся свежыя лічбы, за ліпень 2015 года.
Паводле дадзеных Белстата, па стане на 1 ліпеня 2015 года ў Беларусі налічвалася 48 463 дзяржаўных служачых. У параўнанні з мінулым падлікамі іх колькасць агулам зменшылася на 863 работнікі. Быў скарочаны толькі кожны 60-ы чыноўнік!
Што да асобных рэгіёнаў, дык у Гродзеншчыне скарацілі… усяго 10 чалавек.
Колькасць дзяржаўных служачых
лістапад 2009 — каля 56 740
лістапад 2011 — 56 232 (-0,9% у параўнанні з папярэднім перыядам)
лістапад 2013 — 49 326 (-12,3%)
ліпень 2015 — 48 463 (-1,8%)
Колькасць работнікаў дзяржаўных органаў і арганізацый
лістапад 2009 — каля 71 250
лістапад 2011 — 70 612 (-0,9% у параўнанні з папярэднім перыядам)
лістапад 2013 — 68 807 (-2,6%)
ліпень 2015 — 63 708 (-7,4%).
