Супрацоўнікі МНС у Салігорскім раёне (Мінская вобласць) выратавалі мужчыну, які ў рацэ Случ заблытаўся ў сетках і пачаў тануць.
Як паведамляе прэс-служба МНС, 1 лістапада ў 23.28 салігорскім ратавальнікам паступіла паведамленне аб тым, што ў гарадскім пасёлку Старобін ў раёне вуліцы Надрэчная ў рацэ тоне чалавек. З дапамогай выратавальнай дошкі мужчыну дасталі з вады на бераг, пасля чаго ён быў шпіталізаваны брыгадай хуткай медыцынскай дапамогі з дыягназам «пераахаладжэнне».
Паводле папярэдняй інфармацыі, мужчына пры ўстаноўцы рыбалоўных сетак заблытаўся ў іх, з-за чаго не змог самастойна выбрацца з вады.
0
0
0
0
0
0
