Прэзідэнт ЗША Дональд Трамп заявіў, што не з'яўляецца аб'ектам расследавання ФБР, а звольненага ім у сераду дырэктара бюро Джэймса Комі назваў «самарэкламшчыкам» і «пазёрам».
У інтэрв'ю NBC News Трамп таксама сказаў, што асабіста прыняў рашэнне звольніць кіраўніка ФБР.
Джэймс Комі узначальваў расследаванне меркаванага ўмяшання Расіі ў выбарчую кампанію ў ЗША і магчымай тайнай змовы паміж супрацоўнікамі выбарчага штаба Трампа і прадстаўнікамі Крамля.
У сваім першым пасля звальнення дырэктара ФБР інтэрв'ю Трамп распавёў, што цікавіўся ў Комі, ці знаходзіцца пад следствам сам прэзідэнт.
«Я папрасіў: калі можна, паведаміце мне, ці пад следствам я? Ён адказаў: вы не пад следствам», - паведаміў Трамп.
«Я ведаю, што не знаходжуся пад следствам, - паўтарыў прэзідэнт.
Следам Трамп зрабіў заяву, якая ставіць пад сумнеў учорашняе афіцыйнае тлумачэнне Белага дома, згодна з якім прэзідэнт звольніў Комі па рэкамендацыі вышэйшых чыноўнікаў мінюста.
«Ён самарэкламшчык. Ён пазёр. У ФБР быў бардак. Я збіраўся звольніць Комі, гэта было маё рашэнне, — заявіў Трамп. — Я збіраўся яго звольніць незалежна ад рэкамендацыі», - дадаў ён.
