У мазырскім начным клубе хлопец збіў незнаёмага, а пасля паскардзіўся на яго ў міліцыю, паведамляе тэлеканал «Мазыр».
Высветлілася, што п’яны 22-гадовы хлопец вельмі хацеў паспяваць. Мужчыну, які не хацеў аддаваць яму мікрафон, хлопец ударыў. Пасля схадзіў па піва і ізноў пару разоў ударыў мужчыну.
Пасля маладыя людзі ізноў сустрэліся, на гэты раз на вуліцы. Хлопец працягнуў біць мужчыну. А пасля сам выклікаў міліцыю і хацеў зрабіць выгляд, што гэта ён ахвяра канфлікту. Але ж міліцыянты праглядзелі відэа з камер назірання. І крымінальную справу за хуліганства завялі ўсё ж на агрэсіўнага аматара караоке. Раней, дарэчы, ён ужо быў судзімы за аналагічнае злачынства.
Цяпер хлопцу пагражае да 6 гадоў.
0
0
0
0
0
0
