president.gov.ua
Прэзідэнт Украіны Уладзімір Зяленскі адказаў на петыцыю з патрабаваннем пакінуць пасаду кіраўніка дзяржавы. Прычын для гэтага няма, заявіў ён.
Зяленскі спаслаўся на артыкул 108 Канстытуцыі Украіны, у якой гаворыцца, што паўнамоцтвы прэзідэнта спыняюцца датэрмінова ў выпадку:
— адстаўкі,
— немагчымасці выконваць іх па стане здароўя,
— імпічменту,
— смерці.
«Па аб'ектыўных і, спадзяюся, зразумелым вам прычынах пакінуць сваю пасаду ў адпаведнасці з пунктамі 1, 2 і 4 я не магу», - напісаў прэзідэнт Украіны.
Ён дадаў, што не можа пагрэбаваць воляй 73% выбаршчыкаў, якія падтрымалі яго ў другім туры, і распавёў, што, хоць і стамляецца ў старым офісе «з прывідамі камунізму ў шафах», у цэлым нядрэнна сябе адчувае і плануе падтрымліваць добрую фізічную форму.