Такое даручэнне ён даў сёння МУС на пасяджэнні Рады бяспекі, піша БелТА.
«У Мінску не павінна быць больш ніякіх беспарадкаў. Людзі стаміліся, людзі патрабуюць міру і цішыні», — падкрэсліў Лукашэнка.
Ён адзначыў, што, з аднаго боку, і добра, што беларусы адчулі, што яны могуць страціць. «Але, слухайце, ёсць мора людзей, пераважная большасць якіх прывыклі жыць у спакойнай краіне. І мы гэтую спакойную краіну павінны ім вярнуць», — заявіў ён.
«Калі нехта ў СМІ — АНТ, БТ, яшчэ дзесьці — хочуць пабаставаць, выйсці і потым зноў вярнуцца, такога шанцу ў іх быць не павінна. Сышлі — ідзіце. Але абараніць калектывы трэба. І гэта наша сёння задача. Яна актуальная», — дадаў Лукашэнка.
Камітэту дзяржаўнай бяспекі Аляксандр Лукашэнка даручыў выяўляць і спыняць дзеянні арганізатараў вулічных беспарадкаў, выкрываць каналы фінансавання беспарадкаў у Беларусі. «Як бы ні было складана, мы павінны працягваць гэтую працу і працаваць па максімуму», — падкрэсліў Лукашэнка.
