Нацыянальны банк Рэспублiкi Беларусь 12 жнiўня 2009 г. уводзiць у абарачэнне памятныя манеты «Спасы» серыi «Святы i абрады беларусаў»:
срэбную — намiналам 20 рублёў, пробай сплаву 925, масай 33,62 г, дыяметрам 38,61 мм;
медна‑нiкелевую — намiналам 1 рубель, масай 16,00 г, дыяметрам 33,00 мм.
і |
На пярэднiм баку манет размешчаны: у крузе, абрамленым геаметрычным арнаментам, — рэльефная выява Дзяржаўнага герба Рэспублiкi Беларусь; у цэнтры — салярны знак у выглядзе васьмiканцовай геаметрычнай фiгуры з элементамi дэкору, якi сiмвалiзуе сонечныя промнi; пад iм указаны: год чаканкi, на срэбнай манеце — проба сплаву; па крузе надпiсы: у верхняй частцы — РЭСПУБЛIКА БЕЛАРУСЬ, у нiжняй — ДВАЦЦАЦЬ РУБЛЁЎ (на срэбнай) i АДЗIН РУБЕЛЬ (на медна‑нiкелевай).
На адваротным баку манет размешчаны: у цэнтры — адлюстраванне мядовых сотаў, яблынi (на срэбнай манеце ўстаўка з сiнтэтычнага крышталя аранжавага колеру, якая iмiтуе спелае яблыка) i ржанога снапа — сiмвалаў мядовага, яблыневага i хлебнага Спасаў; па баках — рэльефныя элементы беларускага нацыянальнага арнаменту; унiзе па крузе надпiс: СПАСЫ.
Манеты адчаканены на ЗАТ «Лiтоўскi манетны двор» якасцю «анцыркулейтэд», тыражом па 5000 штук кожная.
Памятныя манеты, што ўводзяцца ў абарачэнне, з’яўляюцца законным плацежным сродкам Рэспублiкi Беларусь, абавязковым да прыёму па намiнальным кошце пры ўсiх вiдах плацяжоў без усялякiх абмежаванняў.