Гамельчука будуць судзіць за падпал машыны сілавіка і пракол шын у 39 тралейбусах, што прапаганда называла фэйкам
Пракуратура Гомельскай вобласці накіравала ў суд крымінальную справу ў дачыненні да 33-гадовага мясцовага жыхара, якому інкрымінаванае стварэнне экстрэмісцкага фармавання і кіраўніцтва ім, замах на наўмыснае знішчэнне і пашкоджанне чужой маёмасці, учынены агульнанебяспечным спосабам, а таксама «акты тэрарызму».
Ведамства сцвярджае, што мужчына ў лістападзе 2021 года трапіў на тэрыторыю тралейбуснага дэпо і з дапамогай шыла пракалоў 76 шын у 39 тралейбусах.
Таксама гамельчука вінавацяць у падпале машыны сілавіка.
ДзяржСМІ называлі інфармацыю пра вывядзенне з ладу тралейбусаў фэйкам. Цяпер аказалася, што гэта было праўдай, а прапаганда схлусіла.