У Гомелі чалавек загінуў, спрабуючы спусціцца з чацвёртага паверха па прасцінах
У Гомелі мужчына спрабаваў спусціцца з 4-га паверха экзатычным спосабам — праз акно па звязаных прасцінах. Усё скончылася для яго трагічна, паведамляе паблік «ЧП-Гомель».
Надзвычайнае здарэнне адбылося каля дзвюх гадзін дня на вуліцы Чапаева. Пакуль гамяльчук спускаўся, тканіна адной з прасцін разарвалася, і ён зваліўся ўніз проста на асфальт.
Пацярпелага шпіталізавалі з рознымі траўмамі, пазней стала вядома, што ён памёр. Што чалавека прымусіла выходзіць на вуліцу такім спосабам, пакуль невядома.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
