Праект сінагогі ў Мінску
18-гадовы Мацвей з дзяцінства быў зацікаўлены ў архітэктуры.
«Апошнім часам пачаў шмат чытаць пра беларускую спадчыну і яе сучасны стан. Год таму стаў рабіць такія 3D-мадэлі. Знаходжу старыя малюнкі, чарцяжы, якія захаваліся. Бывае, што некаторыя з іх складана знайсці, няма доступу да архіва. Таму ў асноўным шукаю ў інтэрнэце», — кажа ён.
Каложская царква ў Гродне
Мадэляванню хлопец вучыўся сам, глядзеў відэаўрокі.
«Я вучуся на праграміста. Толькі пачынаю, але дастаткова хутка разабраўся ў мадэляванні. Увогуле быць архітэктарам не хацеў, бо гэта падаецца занадта для мяне цяжкім.
На адну вялікую мадэль у мяне сыходзіць тыдзень, на маленькую — два дні. Калі ёсць жаданне гэта рабіць, то складанасцей няма».
Касцёл Святога Станіслава ў Магілёве
Дзе можна выкарыстоўваць гэтыя працы, студэнт пакуль не задумваўся.
«Мне цікава, каб больш людзей такім чынам даведаліся пра архітэктурную спадчыну ў Беларусі. Пра некаторыя цэрквы, напрыклад, я і сам не ведаў. У планах зрабіць вялікую мадэль галоўнай плошчы ў Віцебску».
Касцёл Найсвяцейшай Панны Марыі, Гародня
Мацвей збіраецца працаваць па прафесіі, але яго мара не толькі рабіць мадэлі, але таксама аднаўляць будынкі.
3D-мадэлі Мацвея можна паглядзець тут і тут.
Чытайце таксама:
Выйшаў «Тлумачальны слоўнік беларускай мовы» на 65 тысяч слоў
Якія артэфакты знайшлі падчас сёлетніх раскопак у Крэўскім замку
