Фота ілюстратыўнае
Міністэрства нацыянальнай абароны і іншыя ваенныя ведамствы Польшчы сталі асноўнай мішэнню кіберзлачынцаў. За масавымі атакамі стаяць групы, звязаныя з Масквой, але таксама тыя, якія падтрымліваюцца Беларуссю і Кітаем, папярэджвае Check Point.
Паводле арганізацыі, у Польшчы кожны тыдзень наносіцца ў сярэднім 1106 такіх удараў па адной урадава-вайсковай арганізацыі. 53% выпадкаў нападаў былі скіраваныя на рассакрэчванне канфідэнцыйных звестак.
Check Point паведамляе, што большасць лічбавых нападаў паспяхова блакуецца сістэмамі бяспекі.
