Фота: Andrew Medichini / AP

«Калі я кажу пра Украіну, я кажу пра народ, які прыняў пакутніцкую смерць. Калі ў вас ёсць людзі, якія сталі пакутнікамі, у вас ёсць хто-небудзь, хто іх мучыць. Калі я кажу пра Украіну, я кажу пра жорсткасць, бо ў мяне ёсць шмат інфармацыі аб жорсткасці войскаў. Як правіла, самымі жорсткімі, мабыць, з'яўляюцца тыя, хто з Расіі, але не прытрымліваюцца расійскай традыцыі, такія як чачэнцы, бураты і гэтак далей», — сказаў папа Францішак.

У адказ на словы пантыфіка афіцыйная прадстаўніца МЗС РФ Марыя Захарава ў каментары агенцтву ТАСС заявіла, што выказванне папы аб чачэнцах і буратах — «замежавае перакручванне ісціны».

«Гэта ўжо не русафобія, гэта вычварэнства, нават не ведаю якога ўзроўню. Успомніце, у дзевяностыя гады — пачатку двухтысячных нам жа казалі роўна супрацьлеглае, што гэта рускія, славяне, якія мучаць народы Каўказа, а цяпер нам кажуць, што гэта народы Каўказа мучаць рускіх. Гэта ж трэба быць вычварэнцамі ісціны», — падкрэсліла яна.

У сваю чаргу, кіраўнік Бураціі Аляксей Цыдзенаў заявіў, што «воіны з Бураціі з гонарам выконваюць свой абавязак і з'яўляюцца прыкладам найлепшых традыцый расійскай арміі».

«Чуць ацэнку ад кіраўніка каталіцкай царквы аб жорсткасці канкрэтных нацыянальнасцяў — а менавіта буратаў і чачэнцаў, якія абараняюць мірнае насельніцтва, — як мінімум дзіўна. Гісторыя ведае шмат прыкладаў знішчэння гарадоў, краін і нават народаў тымі, хто лічыць сябе прадстаўнікамі цывілізаваных нацый», — адзначыў ён.

У маі гэтага года Папа Францішак паведаміў, што размаўляў з Патрыярхам Маскоўскім і ўсёй Русі Кірылам пра вайну ва Украіне.

Па словах папы Францішка, размова доўжылася каля 40 хвілін у Zoom. Першыя 20 хвілін патрыярх з паперай у руках зачытваў яму «ўсе прычыны, якія апраўдваюць уварванне» Расіі ва Украіну. Пантыфік, у сваю чаргу, казаў, што яны з Кірылам «павінны шукаць шлях да міру». «Патрыярх не можа ператварыцца ў пуцінскага алтарніка», — пераказаў ён змест размовы.

У сувязі з гэтым аддзел знешніх царкоўных сувязяў Маскоўскага патрыярхату 4 мая распаўсюдзіў каментар, у якім гаворыцца, што Францішак «выбраў некарэктную танальнасць для перадачы зместу гэтай размовы».

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

1
Выдалена / Адказаць
29.11.2022
Трэба быць вычварэнцам, Захарава, каб назваць вычварэнцам Папу Францішка. Ці папросту трэба быць [выдалена].
0
Грышка / Адказаць
29.11.2022
У Расеі лічаць, што праўду пра Расею — гэта «русіфобія. Лухта. Папа проста сказаў праўду.
0
Mafkees / Адказаць
29.11.2022
А почему этот деятель не осудит лично путена за преступления против человечности и геноцид украинского народа?
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру