Аляксандр Данілевіч
У Мінскім гарадскім судзе 10 сакавіка распачаўся суд над палітзняволеным адвакатам Аляксандрам Данілевічам.
Яго абвінавацілі ў «саўдзеле ў закліках да санкцый» спартоўцам Аляксандры Герасімені і Аляксандру Апейкіну, якіх завочна асудзілі да 12 гадоў калоніі (ч. 6 арт. 16 і ч. 3 арт. 361 Крымінальнага кодэкса) і «садзейнічанні экстрэмісцкай дзейнасці» (ч. 1 арт. 361-4 КК).
Так кваліфікавалі яго адвакацкія парады, падрыхтоўку стачкамам зваротаў, а таксама інтэрв'ю так званаму «экстрэмісцкаму» інтэрнэт-рэсурсу «Трыбуне».
Справу разглядала суддзя Таццяна Фалькоўская. Пракурор Таццяна Цыбуля запрасіла для Данілевіча 10 гадоў калоніі. Суддзя з гэтым пагадзілася.
Аляксандр Данілевіч — шматдзетны бацька. Незадоўга да затрымання ён падпісаў антываенны зварот адвакатаў і юрыстаў адносна дзеянняў ва Украіне. Адразу пасля падпісання ліста супраць вайны ў Данілевіча пачаліся праблемы ў адвакатуры — завялі дысцыплінарную вытворчасць. Таксама яго звольнілі з БДУ, дзе ён больш за 20 гадоў выкладаў на факультэце міжнародных адносін.
Чытайце таксама:
«Помста за смеласць». Што вядома пра адваката Данілевіча, якога забралі ў КДБ?
