Бабёр на парозе школы ў Лунінцы
Гэта не першы выпадак з'яўлення баброў на гарадскіх вуліцах. Раней тое ж «Медыя-Палессе» пісала, што бабёр вырашыў «падлячыцца» і прыйшоў да будынка бальніцы ў Мікашэвічах.
Бабёр каля будынка бальніцы ў Мікашэвічах
У вёсцы Чырвоная Воля Лунінецкага раёна бабёр выйшаў у цэнтр вёскі — проста да сельскага Дома культуры, каля якога ўладкаваўся на начлег. Прыняўшы бабра за сабаку, прыбіральшчыца вырашыла сагнаць яго з месца. Але бабёр, абудзіўшыся, стаў кідацца на жанчыну.
Бабёр у вёсцы Чырвоная Воля каля Дома культуры
На Палессі баброў цяпер вельмі шмат. Сляды іх актыўнай дзейнасці сустракаюцца на кожным кроку: то зваленае вострымі зубамі дрэва на беразе ракі, то плаціна на меліярацыйным канале…
Напрыклад, у Століне бабры пасяліліся на рацэ Копанец у гарадскім парку. Праўда, саміх жывёл людзі не бачылі, але сляды іх прысутнасці сустракаюцца ўздоўж ракі.
Фота з сацсетак
Чытайце таксама:
Берагі Свіслачы ў Мінску актыўна асвойваюць бабры
