«Тушонкі з'елі больш, чым за ўсё жыццё». У чатах сваякоў вагнераўцаў расхвальваюць умовы, у якіх яны жывуць у Беларусі 6

Паводле выдання, з пачатку гэтага тыдня ў чатах актыўна абмяркоўваецца пытанне куплі квіткоў з Беларусі ў Расію і дэталі вяртання.

Мяркуючы па многіх паведамленнях, частка вагнераўцаў-адпускнікоў на радзіму не вельмі спяшаецца, а актыўна «расслабляецца» па дарозе пры дапамозе алкаголю.

Каардынатары чатаў паведамляюць, што кожная другая брыгада ПВК распушчаная, а ў лагеры, маўляў, застаюцца толькі самыя дасведчаныя — тыя, хто будзе заняты вайсковай падрыхтоўкай на беларускіх палігонах і адправіцца ў Сірыю і Афрыку.

Паводле абмеркаванняў у чатах, тыя вагнераўцы, што засталіся ў Беларусі, жывуць у выдатных умовах, іх кормяць смачна і некалькі разоў на дзень. «Яны тушонкі з'елі больш, чым за ўсё жыццё», — іранізуюць сваякі вагнераўцаў.

Акрамя таго, у адрозненне ад базы ў Молькіне Краснадарскага краю, у беларускі лагер пад Асіповічамі могуць нібыта прыязджаць жонкі наймітаў.

Чытайце таксама:

Нарадзіўся ва Украіне, быў дробным чыноўнікам, ваяваў у Афрыцы. Раскрытая асоба «Піянера», які ўзначаліў «Вагнер» у Беларусі

«Так я падаўжаю сваю маладосць». У Прыгожына быў цэлы «канвеер» па пазбаўленні дзяўчат цнатлівасці

Вагнераўцы працягваюць навучаць беларускіх салдат. Гэтым разам агнявой падрыхтоўцы

Nashaniva.com